Bagikan :
Swasti prapta aturang titiang majeng ring Ida, Dane sinamian, santukan sampun ledang ngrauhin parikrama Pamungkahan Lomba Nyastra Bali rahinane puniki, Anggara, tanggal 21 Februari 2023 ring Aula SD Negeri 50 Denpasar, nanging aksamaayang
pisan antuk genah punika taler panyembrahma sane dahat kirang.
Inggih, para atiti sane dahat wangiang titiang, ring pangawit acara puniki, ngiring riin ngadeg ajebos, ngaturang puja pangastuti majeng ring Ida Sang Hyang Widhi Wasa, manut sradha druene suang-suang utawi doa. Majeng ring sang sane ngwacen inggih durusang.
Inggih ida, dane sareng sami sane wangiang titiang, sajeroning acara pamungkah
puniki pacang katur sasolahan Sekar Jagat. Majeng ring para pragina lan panabuh, inggih, durusang!
Sasolahan Sekar Jagat
Ida, Dane sinamian. Acara salanturipun, atur piuning saking manggala karya. Majeng ring manggala karya, inggih, durusang!
Atur Piuning
Inggih, para atiti sinamian, sane mangkin jagi nincap ring acara kaping tiga, inggih punika sambrama wacana saking Bapak Kepala Sekolah sane sapisan pacang mamungkah resmi acara Lomba Nyastra Bali warsane puniki. Majeng ring bapak kepala sekolah, inggih, durusang!
Sembrama Wacana
Ida, Dane sinamian sane wangiang titiang, kadi asapunika titiang prasida ngenterang acara pamungkahan puniki. Manawi ta wenten atur titiang sane nenten manut ring arsa, lugrayang titiang nglungsur agung rena pangampura. Pinaka pamuput atur, lugrayang titiang ngaturang paramasanti, Om Santhi Shanti Shanti Om.
Baca Juga: 10 Contoh Teks Cerita Sejarah Lengkap Sesuai dengan Strukturnya
