Sonora.ID - Mengutip dari buku Super Complete SD/MI 4,5,6, pidato merupakan salah satu bentuk komunikasi satu arah yang berisi gagasan dan pikiran pembicara (orator) tentang suatu hal kepada banyak orang.

Sebuah teks pidato ini pun biasanya terdiri atas 3 bagian, yaitu pembukaan, isi, dan penutup dengan keterangan sebagai berikut.

• Pembukaan yang biasanya terdiri atas 3 bagian, yaitu salam pembuka, ucapan penghormatan, dan ucapan syukur.
• Isi menjadi bagian yang mengandung inti topik pidato yang ingin disampaikan.
• Penutup yang berisi simpulan dan permintaan maaf orator jika ada kesalahan saat menyampaikan serta salam penutup.

Terkait dengan tema atau topik pidato, ada berbagai topik yang dapat disampaikan, misalnya, topik mengenai sopan santun yang selalu menjadi tolak ukur masyarakat dalam bersosialisasi.

Berikut ini pun beberapa contoh pidato bahasa Sunda tentang sopan santun yang kami lansir dari berbagai sumber sebagai bahan untuk belajar.

Baca Juga: 6 Contoh Dongeng Bahasa Sunda Singkat, Lucu Lengkap dengan Artinya

Contoh Pidato Bahasa Sunda tentang Sopan Santun

Contoh 1

Assalamualaikum Wr. Wb.

Bapa Kapala Sakola hormateun simkuring, Bapa sareng Ibu Guru anu ku simkuring dipikahormat, sareng rerencangan sadayana anu ku simkuring dipikacinta.

Langkung ti payun mangga urang sanggakeun puji sinareng syukur ka hadirat Allah SWT, alhamdulillah dina dinten ieu urang sadayana dugi ka tiasa patepang dina acara anu sae ieu dina kaayaan sehat wal afiat.

Hadirin anu ku simkuring dipikahormat.

Dina waktos ieu simkuring bade ngadugikeun pidato anu judulna "tata krama urang Sunda". Tangtos sadayana parantos uninga naon nu dimaksad tata krama.

Tata krama teh nya eta mangrupi kabiasaan, adat, sopan santun atanapi sok disebat oge etiket atanapi etika anu parantos mangrupikeun tuntunan di hiji masarakat atanapi daerah dina waktos anu tos tangtos. Ku kituna tata krama di hiji masarakat tiasa benten sareng nu aya di masarakat sanesna.

Kitu oge tatakarama urang Sunda pasti benten sareng masarakat sanesna. tata krama teh aya dina sagalarupi wangun komunikasi atanapi tindakan antar jalmi.

Sapertos tata krama dina nyarios, tata krama dina tuang, tata krama dina tatamu, sareng sajabina.

Kanggo conto, mangga urang tingali tata krama dina nyarios atanapi tata krama dina nganggo basa dina basa Sunda. Dina basa Sunda aya dua ragam basa, nyaeta ragam basa hormat atanapi lemes sareng ragam basa loma.

Dina ragam basa hormat atanapi lemes aya dua rupi basa lemes, nyaeta basa lemes kanggo nyalira sareng basa lemes kanggo nu sanes.

Ku ayana ragam basa dina basa Sunda teh sanes kanggo ngabantenkeun status sosial tiap jalmi, namung kanggo ngahormat ka sepuh sareng ngajen ka sasama.

Ku kituna, tata krama basa Sunda anu kawitna sok disebat Undak usuk Basa Sunda, ayeuna mah tos sacara resmi digentos ku istilah tata krama Basa.

Naon margina istilah Undak usuk Basa Sunda digentos ku istilah tata krama Basa Sunda?. Saur para ahli, istilah Undak usuk Basa Sunda digentos ku istilah tata krama Basa Sunda kumargi istilah Undak usuk Basa Sunda teh kadanguna langkung "feodal" upami dibandingkeun sareng tata krama Basa Sunda.

Para hadirin sadayana, saparantosna urang sadayana sasarengan ngabahas naon sareng kumaha tata krama urang Sunda, utamina tata krama dina nganggo basa Sunda, mugi urang sadayana langkung ngartos kumaha dina ngalarapkeun basa Sunda sareng naon anu janten tujuan ayana tata krama basa Sunda.

Rupina sakitu nu tiasa ku simkuring dugikeun, dicekapkeun sakitu anu kapihatur, hapunteun tina samudaya kaleptan.

Wassalamualaikum Wr. Wb.

Contoh 2

Assalamualaikum Warahmatullahi Wabarakatuh

Alhamdulillah hayu urang ucapkeun babarengan tina sanes kanten kanikmatan ti Allah SWT pasihkeun ka urang sadaya timimiti nikmat iman islamna dugika nikmat sehat jadi lantaran urang sadaya tiasa kumpul ngariung dina waktos ayeuna.

Sholawat miwah salam, ditujukeun langsung ka jungjunan agung baginda alam Nabi besar Muhammad SAW.

Hadirin rahimakumullah

Ngadegna simkuring ayeuna sanes bade naon-naon deui iwal ti mertelakeun perkara penting, nu satiap jalma kudu gaduh dina dirina.

Nu teu lain nyaeta sopan sareng santun. Dua kata ieu tos seer di pohokeun, kata nu babari nalika diucapkeun can nangtukeun babari oge ngajalankeun na.

Sopan sareng santun kata nu beda mung bakal jadi endah mun di rendengkeun, akhlak anu sae pikeun dijalankeun.

Di zaman kiwari mendak jalmi anu ngagaduhan dua akhlak eta teh rasa hese kulantaran tos jarangna dipake.

Dina migawe kahadean butuh elmu sareng guru, lian ti dua eta butuh oge akhlak nu hade, sangkan dina migawe teu salah jeung bener tujuan na.

Baca Juga: 6 Contoh Laporan Kegiatan Bahasa Sunda yang Sesuai dengan Ketentuan

Kasopanan kanu jadi kolot tong disaruakeun pikeun kasopanan kanu jadi babaturan, gaduh takeran sareng penilaian na sorangan-sorangan.

Kiwari tos seer kajadian budak nu wani maehan kanu jadi kolot lantaran perkara sepele, emosi jeng kaelingna tos lengit kaelehkeun ku hawa nafsu lantaran nuturkeun zaman nu beuki edan.

Teu bisa-bisa teuing diri ngajaga mah bakal babari kabawa. Tingkah sareng lampah urang ka batur kudu sing hade tong sangeunahna nepi euweuh sopan sareng santunna.

Saestuna gusti Allah mah mikaresep ka jalma nu migawe kahadean dina ucap sareng lampahna.

Ku kituna hayu urang sasarengan elingkeun deui diri sorangan pikeun ngajauhan perkara-perkara teu hade, urang tekadkeun sangkan jadi jalma anu sholeh hate, teu mikanyeri ka batur ku ucapan atawa lampah, mere kabungahan ku sopan jeung santun ka sasama.

Sakitu nu kapihatur dina waktos ayeuna, kirang langkungna nyuhunkeun dihapunten.

Wassalamualaikum Warahmatullahi Wabarakatuh.

Contoh 3

Assalamualaikum.wr.wb

Bapa/ ibu guru anu dipikahormat sareng rerencangan anu dipikacinta, sateuacana hayu urang panjatkeun puji sareng sukur ka gusti Alloh nu maha Esa, anu tos masihan rohmat sarta hidahyana ka urang sadayana.

Ku kituna ayeuna urang tiasa ngumpul di tempat ieu.

Hadirin sadayana, Sa teu acana simkuring bade ngucapkeun nuhun ka bapa/ ibu guru anu parantos masihan waktos ka simkuring kangge medarkeun hiji biantara anu judulna "Tata Krama Dina Sosial".

Sapertos anu urang sadayana terang upami Tata Krama teh omat penting dina kahirupan sapopoe.

Aya macem-macem dina jenis tata krama teh contona,Tata krama nu dipake ku palajar.

Tata krama nu dipake kupalajar teh kudu aya etika nu hade, leuwih-leuwih ka jalmi anu kudu dipihormat nyaeta, kolot, guru jsb.

Lamun kanu luhuren mah kedah ngangge bahasa hormat.

Beda deui sareng babaturan,lamun jeung babaturan mah ngangge basa loma wios,bahasa hormat wios.

Tapi nu alus na mah ngangge bahasa hormat sadaya meh anjeuna sareng ka kuring na saling mihormat.

Barudak !! Sadayana !!, Tata krama mangrupakeun modal awal urang jeung ditarima dina makhluk sosial.

Tata krama loba pisan mangpaatna contona,Modal kahiji dina kahirupan sosial,nu tiasa tata krama nu bener bakal gampang dina gaulna.

Barudak !! Punten sagala hormat kumargi aya kakirangannana.

Sakitu anu kapihatur anu tiasa ku simkuring dugikeun,Kirang sareng langkungna nyuhunkeun dihapunten.

Wassalamualaikum wr. wb.

Baca Juga: 40 Kata-Kata Pepatah Sunda dan Artinya, Berisi Paribasa Kahirupan

Baca berita update lainnya dari Sonora.id di Google News.